Valletta TV

Interessanti l-proposta tal-Belt. Sa ċertu punt se nidħlu f'għalqa ġdida, dik tax-xandir.

L-ewwel li ġewni f'moħħi kienu dawk il-programmi tar-radju, li ssib minnhom speċjalment l-Italja, li jagħmlu ġranet sħaħ jiddibattu u jitmasħnu fuq il-futbol u jieħdu t-telefonati tas-supporters. Ta' Ruma, per eżempju, ma jieqfu qatt.

Tista' wkoll tara kbir u taħseb fil-varji MUTV, Real Madrid TV jew Milan Channel. Imma ejja ma ngħaġġlux.

Li qed naħseb fih jien hu fuq kollox il-fatt li l-klabb se jkun il-produttur tal-programm, b'linja editorjali (jew xi ħaġa simili) u x'naf jien. Tgħiduli, anki s-Sliema kellhom xi ħaġa hekk fil-passat, imma - ngħiduha kif inhi - il-Belt ħaġ'oħra.

Qed naħseb per eżempju kif tista' żżomm standard biex l-eżerċizzju minn pass innovattiv biex ikattar l-introjtu fuq livell kummerċjali ma jsirx xi ħaġa li taħdem kontra l-klabb innifsu. L-immaġni tal-klabb hija imprezzabbli. U programm fuq it-TV idaħħlek fid-dominju pubbliku. Li jfisser li ma jistax kulħadd jibda jgħid li jrid f'dak il-kuntest daqs li kieku qiegħed jgħid l-istess diskors fil-bar tal-każin. Distinzjoni li ħafna ma jirrealizzawx li tapplika wkoll fuq l-internet!

Inħoss li dak hu l-element li batew minnu l-Belt fl-aħħar snin, minkejja s-suċċessi fil-ground. Minnu li tim li jirbaħ ta' spiss isir awtomatikament 'mibgħud' sportivament mill-avversarji. Imma l-Belt m'għenux ruħhom lanqas. Jiġu f'moħħi l-inċidenti wara l-final tat-Trophy.

Għandi kurżità biex nara l-esperiment hux se jirnexxi. Jekk hawn klabb li għandu following li jippermettilu jimbarka fuq xi ħaġa hekk, żgur li huma l-Belt. Għandi ftit riservi għall-fatt li l-platform magħżula hija dik ta' Smash TV. Imma m'għandix idea tal-ispejjeż involuti, jiġifieri ftit nista' nikkummenta dwar dan.

Insomma, pass ieħor ġdid. Nistennew u naraw.

Aktar dettalji hawn.

Minn wara l-kwinti

Peter Harrison kien jilgħab mal-Forest taħt Brian Clough. Jien żgur ma niftakrux u ma kellix idea min hu. 

U forsi kont nippreferi nsir naf min hu bħala plejer, minflok bħala aġent li qed jikxef sigrieti (forsi magħrufa) fuq il-mod kif isiru l-affarijiet fil-futbol. Jikkonferma teorija tiegħi li l-mard fil-futbol hu simili irrispettivament mil-livell - sew jekk tilgħab Old Trafford u sew jekk tilgħab is-Centenary. Id-differenza qiegħda fl-ammonti.

Peter Harrison kien l-aġent ta' Andy Carroll - il-plejer Ingliż li qatt l-aktar li sewa flus fil-Premier League Ingliż (kemm jiswiehom ħaġ'oħra). Jgħid li ġieli qala' £900,000 f'ġurnata waħda fejn ikun irranġa t-trasferiment ta' plejer, ħafna drabi billi jsib aġent ħabib tiegħu stess biex jidher fuq in-naħa l-oħra għall-klabb involut.


L-istorja tiegħu hija waħda ta' xi ħadd li jaf tajjeb kemm flus jgħaddu mill-idejn, u mhux bilfors jidhru, meta jsir dan iċ-ċaqliq. Skont hu, meta ġie ċ-ċans li Carroll jagħmel il-qabża min-Newcastle għal mal-Liverpool, lilu qatugħ barra, u allura ovvjament baqa' b'xiber imnieħer.


Jallega li hemm klabb 'favorit' u protett mill-FA Ingliża. It-trasferimenti mill-klabbs il-kbar isiru dejjem mill-istess aġenti. Dikjarazzjonijiet li taf li x'aktarx jirriflettu  xi forma ta' realtà imma li tibqa; tittama li mhux minnhom.

L-artiklu kollu jinsab hawn.

Il-UEFA f'Limassol

Ikolli nistqarr, Platini daqxejn enigma għalija. Ma narahx partikolarment simpatiku. Bħala plejer bl-eżatt ma lħaqtux jilgħab. L-ewwel kompetizzjoni kbira li niftakar (bil-biex) hija t-Tazza tad-Dinja tal-1986 fil-Messiku. Meta kien qed ipaxxi - kif jgħidu - lid-dilettanti kollha bil-flokk tal-Juve u ta' Franza jien kont għadni se nibda nqalleb ir-rivisti, inġemma l-kupuni u nara l-futbol fuq ir-RAI. U nħossni naqra deluż li għal ftit ma jistax ikolli opinjoni xi nfendi fuq le roi Michel u minflok ikolli noqgħod fuq li nisma' u naqra.

©uefa.com 1998-2011

Forsi wkoll għax kien Juventin. Imma ma nillargawx wisq. Għax minkejja din is-semi-antipatija li għandi lejh, fl-istess ħin narah jirrappreżenta nifs ġdid fl-amministrazzjoni tal-logħba. Issa veru, huwa minnu li joqgħod għal-logħba tal-poter, imma għallinqas il-logħba vera lagħbha u eċċella fiha. Esperjenzaha f'kull rwol possibbli - plejer, coach, amministratur. U meta tisimgħu jitkellem b'ċertu frankezza lilhinn mid-diplomazija jew l-ipokrezija li tisma' minn xi oħrajn.

Din il-ġimgħa l-Kumitat Eżekuttiv tal-UEFA kien qed jiltaqa' f'Limassol, Ċipru, wara jumejn ta' diskussjonijiet mal-Assoċjazzjonijiet nazzjonali - ħaġa, din tal-aħħar, innovattiva. Fost oħrajn dawn iddiskutew il-kalendarju tal-partiti internazzjonali. Għalkemm fl-aħħar mill-aħħar kompetenza tal-FIFA, il-UEFA qed tieħu l-inizjattiva f'dan ir-rigward u jidher li l-preferenza hi dik li jkun hemm aktar fixtures 'doppji', kif drajna naraw isiru fil-logħob ta' kwalifikazzjoni dan l-aħħar. Hemm ukoll kwistjoni fuq il-ġurnata ta' partiti ta' ħbiberija f'nofs Awwissu li kulħadd - klabbs, plejers, u jkolli ngħid anki supporters - jaraha żejda!

Imma lura għal Platini, meta l-Gazzetta dello Sport għamlitlu sensiela ta' mistoqsijiet diretti, ma ddejjaqx jgħidilhom li l-Juve setgħu ma ħlewx il-bolla biex jiktbu lill-UEFA fuq il-lig li ngħata lill-Inter - għax mhux kompetenza tagħha; lanqas li l-probbabiltà hija li r-regoli fuq il-Financial Fair Play minn hawn u minn hemm se jispiċċaw quddiem il-qrati; jew li hemm min qed ikun irritat għax il-UEFA qed tindirizza l-problema tal-flejjes u d-djun kbar fil-klabbs. Ma ddejjaqx jgħidilhom Platini. U xi ftit ħatab fuq il-problemi tal-FIFA, l-elezzjoni ta' Blatter, u l-futur tiegħu ma ddejjaqx jitfgħu lanqas.

Nittama li jibqa' jdoqqli kliem Platini.

Sheffield United - We nearly signed Maradona

Ma stajtx ma naqsmux ma ħaddieħor dan l-artiklu. Mhux għax se jarawh aktar nies hawn milli fuq il-websajt tat-Times ta' Londra, imma insomma...


It's true, we nearly signed one of the greatest players/cocaine hoovers that the world has ever seen. Google it if you don't believe me.

However the recommendation that we pay £200,000 for a seventeen year old by Happy Harry Haslam was immediately shot down by our forward-thinking board, and instead we signed Alex Sabella. Great.

This goes down as possibly one of the worst decisions ever. Or does it?

It's worse than the bloke who didn't sign the Beatles. We passed up the chance for one of the best players the world has ever seen to come to the Lane.

But every cloud has a silver lining. At least we've not got the stigma of one of the greatest cheats world sport has ever seen having been one of ours. We've not been swamped by Columbian drug dealers, or had Fidel Castro come to visit.

All the fuss about Maradona, all the Scots grinning like maniacs on the tellt the other day, because they'd got his signature. He's a hero to them, because he cheated against England. They love him, because he dumped us out of the World Cup, and because they are so desperately short of heroes of their own they have to adopt those who beat the English.

Terry Butcher should get a knighthood for not shaking hands with the short-arsed coke-head.
Yes, Maradona could have been a Blade, but given our finances in the late 70's we'd have had him for a season at most and then flogged him to Leeds, as we did with all our best players at that time, and who out there would have wanted Maradona in a Leeds shirt?

So thank us that we didn't sign him then flog him to Leeds. Maybe our board weren't the blinkered idiots we thought.......

(http://timesonline.typepad.com/fanzine_fanzone/2008/11/sheffield-uni-1.html)

Stennija

Daż-żmien idejjaqni. Qisek tkun trid taqta' l-għatx bil-perżut. Kulħadd jitkellem fuq iċ-ċaqliq ta' dak u l-ieħor, imma logħob ftit li xejn. U x'logħob! Partiti ta' ħbiberija qisek qed tara 'l nannti tippassiġġa max-xatt. Ikollok sebgħa mitt sena biex tara l-akkwist il-ġdid tat-tim tiegħek, imma jkollok titqanna b'xi tifel tal-youths. Insomma, issa drajna. Tournaments bla sens għax fis-sajf ukoll hemm bżonn il-flus tad-drittijiet tat-televixin. Ħalliha li Chalsea-Milan jiġu 5-0.

Imbagħad ikun hemm il-kurżita' tal-preliminari tal-kompetizzjonijiet Ewropej. M'għandniex xi ngħidu, kif tfixklina minn meta waqa' l-ħajt ta' Berlin! Issa qajla għadni niftaħar li naf dwar il-maġġornaza tat-timijiet tal-futbol Ewropej, jew li naf il-ġeografija ta' l-Ewropa bis-saħħa tal-futbol. Mhux ta' b'xejn il-UEFA ddeċidiet li taqsam il-preliminari tat-tazza UEFA f'reġjuni - għallinqas nippruvaw insegwu t-timijiet tan-naħat tagħna...