Football and broadcasting are literally merging

It's one of those situations where everyone seems to have become an expert. In this case it's football media rights, telecoms, and EU law all at once. And the context being pub football renders the issue more appetizing - apologies for the bad pun.

A lot has (already) been written and said about the Murphy case. I had made a mental note of the 4th October and looked forward to the Preliminary Ruling. And yet, after a couple of super busy days I already find myself commenting on reactions, rather than the ruling itself (something I hope to be able to do anyway soon). 

Most of us have an eager sense of anticipation to see how the 'post-Murphy' scenario will unfold. Out of these, I can see one which could literally merge football with broadcasting, namely that   of having a Premier League TV network, and eventually similar endeavours by the Lega Calcio, the Bundesliga, and so on. I see few other ways to maximize the benefits (read profits) of a single market of half a billion Europeans. UEFA's Champions League model is the best example.

It's not as easy as it sounds. And it may not be the best of news for the proverbial good of the game. Such a model could prove successful for the big leagues but the situation in the smaller or even the micro leagues (like Malta) could be way more complicated. Then again, it could be an opportunity for development. Not necessarily at the same speed and through the same model, but as basis economics the bigger the market the bigger the potential a product has to grow.

My take is that the ruling was a much-needed pronouncement. In one way or another the grey area had to be addressed for a myriad of reasons.

Valletta TV

Interessanti l-proposta tal-Belt. Sa ċertu punt se nidħlu f'għalqa ġdida, dik tax-xandir.

L-ewwel li ġewni f'moħħi kienu dawk il-programmi tar-radju, li ssib minnhom speċjalment l-Italja, li jagħmlu ġranet sħaħ jiddibattu u jitmasħnu fuq il-futbol u jieħdu t-telefonati tas-supporters. Ta' Ruma, per eżempju, ma jieqfu qatt.

Tista' wkoll tara kbir u taħseb fil-varji MUTV, Real Madrid TV jew Milan Channel. Imma ejja ma ngħaġġlux.

Li qed naħseb fih jien hu fuq kollox il-fatt li l-klabb se jkun il-produttur tal-programm, b'linja editorjali (jew xi ħaġa simili) u x'naf jien. Tgħiduli, anki s-Sliema kellhom xi ħaġa hekk fil-passat, imma - ngħiduha kif inhi - il-Belt ħaġ'oħra.

Qed naħseb per eżempju kif tista' żżomm standard biex l-eżerċizzju minn pass innovattiv biex ikattar l-introjtu fuq livell kummerċjali ma jsirx xi ħaġa li taħdem kontra l-klabb innifsu. L-immaġni tal-klabb hija imprezzabbli. U programm fuq it-TV idaħħlek fid-dominju pubbliku. Li jfisser li ma jistax kulħadd jibda jgħid li jrid f'dak il-kuntest daqs li kieku qiegħed jgħid l-istess diskors fil-bar tal-każin. Distinzjoni li ħafna ma jirrealizzawx li tapplika wkoll fuq l-internet!

Inħoss li dak hu l-element li batew minnu l-Belt fl-aħħar snin, minkejja s-suċċessi fil-ground. Minnu li tim li jirbaħ ta' spiss isir awtomatikament 'mibgħud' sportivament mill-avversarji. Imma l-Belt m'għenux ruħhom lanqas. Jiġu f'moħħi l-inċidenti wara l-final tat-Trophy.

Għandi kurżità biex nara l-esperiment hux se jirnexxi. Jekk hawn klabb li għandu following li jippermettilu jimbarka fuq xi ħaġa hekk, żgur li huma l-Belt. Għandi ftit riservi għall-fatt li l-platform magħżula hija dik ta' Smash TV. Imma m'għandix idea tal-ispejjeż involuti, jiġifieri ftit nista' nikkummenta dwar dan.

Insomma, pass ieħor ġdid. Nistennew u naraw.

Aktar dettalji hawn.

Minn wara l-kwinti

Peter Harrison kien jilgħab mal-Forest taħt Brian Clough. Jien żgur ma niftakrux u ma kellix idea min hu. 

U forsi kont nippreferi nsir naf min hu bħala plejer, minflok bħala aġent li qed jikxef sigrieti (forsi magħrufa) fuq il-mod kif isiru l-affarijiet fil-futbol. Jikkonferma teorija tiegħi li l-mard fil-futbol hu simili irrispettivament mil-livell - sew jekk tilgħab Old Trafford u sew jekk tilgħab is-Centenary. Id-differenza qiegħda fl-ammonti.

Peter Harrison kien l-aġent ta' Andy Carroll - il-plejer Ingliż li qatt l-aktar li sewa flus fil-Premier League Ingliż (kemm jiswiehom ħaġ'oħra). Jgħid li ġieli qala' £900,000 f'ġurnata waħda fejn ikun irranġa t-trasferiment ta' plejer, ħafna drabi billi jsib aġent ħabib tiegħu stess biex jidher fuq in-naħa l-oħra għall-klabb involut.


L-istorja tiegħu hija waħda ta' xi ħadd li jaf tajjeb kemm flus jgħaddu mill-idejn, u mhux bilfors jidhru, meta jsir dan iċ-ċaqliq. Skont hu, meta ġie ċ-ċans li Carroll jagħmel il-qabża min-Newcastle għal mal-Liverpool, lilu qatugħ barra, u allura ovvjament baqa' b'xiber imnieħer.


Jallega li hemm klabb 'favorit' u protett mill-FA Ingliża. It-trasferimenti mill-klabbs il-kbar isiru dejjem mill-istess aġenti. Dikjarazzjonijiet li taf li x'aktarx jirriflettu  xi forma ta' realtà imma li tibqa; tittama li mhux minnhom.

L-artiklu kollu jinsab hawn.

Il-UEFA f'Limassol

Ikolli nistqarr, Platini daqxejn enigma għalija. Ma narahx partikolarment simpatiku. Bħala plejer bl-eżatt ma lħaqtux jilgħab. L-ewwel kompetizzjoni kbira li niftakar (bil-biex) hija t-Tazza tad-Dinja tal-1986 fil-Messiku. Meta kien qed ipaxxi - kif jgħidu - lid-dilettanti kollha bil-flokk tal-Juve u ta' Franza jien kont għadni se nibda nqalleb ir-rivisti, inġemma l-kupuni u nara l-futbol fuq ir-RAI. U nħossni naqra deluż li għal ftit ma jistax ikolli opinjoni xi nfendi fuq le roi Michel u minflok ikolli noqgħod fuq li nisma' u naqra.

©uefa.com 1998-2011

Forsi wkoll għax kien Juventin. Imma ma nillargawx wisq. Għax minkejja din is-semi-antipatija li għandi lejh, fl-istess ħin narah jirrappreżenta nifs ġdid fl-amministrazzjoni tal-logħba. Issa veru, huwa minnu li joqgħod għal-logħba tal-poter, imma għallinqas il-logħba vera lagħbha u eċċella fiha. Esperjenzaha f'kull rwol possibbli - plejer, coach, amministratur. U meta tisimgħu jitkellem b'ċertu frankezza lilhinn mid-diplomazija jew l-ipokrezija li tisma' minn xi oħrajn.

Din il-ġimgħa l-Kumitat Eżekuttiv tal-UEFA kien qed jiltaqa' f'Limassol, Ċipru, wara jumejn ta' diskussjonijiet mal-Assoċjazzjonijiet nazzjonali - ħaġa, din tal-aħħar, innovattiva. Fost oħrajn dawn iddiskutew il-kalendarju tal-partiti internazzjonali. Għalkemm fl-aħħar mill-aħħar kompetenza tal-FIFA, il-UEFA qed tieħu l-inizjattiva f'dan ir-rigward u jidher li l-preferenza hi dik li jkun hemm aktar fixtures 'doppji', kif drajna naraw isiru fil-logħob ta' kwalifikazzjoni dan l-aħħar. Hemm ukoll kwistjoni fuq il-ġurnata ta' partiti ta' ħbiberija f'nofs Awwissu li kulħadd - klabbs, plejers, u jkolli ngħid anki supporters - jaraha żejda!

Imma lura għal Platini, meta l-Gazzetta dello Sport għamlitlu sensiela ta' mistoqsijiet diretti, ma ddejjaqx jgħidilhom li l-Juve setgħu ma ħlewx il-bolla biex jiktbu lill-UEFA fuq il-lig li ngħata lill-Inter - għax mhux kompetenza tagħha; lanqas li l-probbabiltà hija li r-regoli fuq il-Financial Fair Play minn hawn u minn hemm se jispiċċaw quddiem il-qrati; jew li hemm min qed ikun irritat għax il-UEFA qed tindirizza l-problema tal-flejjes u d-djun kbar fil-klabbs. Ma ddejjaqx jgħidilhom Platini. U xi ftit ħatab fuq il-problemi tal-FIFA, l-elezzjoni ta' Blatter, u l-futur tiegħu ma ddejjaqx jitfgħu lanqas.

Nittama li jibqa' jdoqqli kliem Platini.